നിയമസഭാ തെരഞ്ഞെടുപ്പ് വരാനിരിക്കെ വമ്പന് പ്രഖ്യാപനങ്ങളുമായി നടന് വിജയിയുടെ തമിഴക വെട്രി കഴകം പാര്ട്ടി. 60 വയസിന് മുകളിലുള്ള സ്ത്രീകള്ക്ക് പ്രതിമാസം 2,500 രൂപയും വിവാഹിതയാകുന്ന സ്ത്രീക്ക് ഒരു പവന് സ്വര്ണവും സാരിയും നല്കുമെന്നും വിജയ് പറഞ്ഞു.
തന്റെ പാര്ട്ടി അധികാരത്തിലെത്തിയാല് വിദ്യാഭ്യാസം, കുടുംബം, വനിതാക്ഷേമം തുടങ്ങിയ മേഖലകളില് കൂടുതല് ശ്രദ്ധ കേന്ദ്രീകരിക്കുമെന്ന് വിജയ് പറഞ്ഞു. സ്ത്രീകളുടേയും കുട്ടികളുടേയും മുതിര്ന്നവരുടേയും സുരക്ഷയാണ് തന്റെ പാര്ട്ടിയുടെ മുഖ്യപരിഗണന. ഇതിനായി സര്ക്കാര് തലത്തില് പ്രത്യേക വകുപ്പുതന്നെ ഉണ്ടാക്കും. തന്റെ നേരിട്ടുള്ള മേല്നോട്ടം വകുപ്പില് ഉണ്ടാകുമെന്നും വിജയ് പറഞ്ഞു. ഗൃഹനാഥരായ 60 വയസിന് താഴെയുള്ള സ്ത്രീകള്ക്ക് പ്രതിമാസം 2500 രൂപ ധനസഹായം നല്കുമെന്നും വിജയ് പ്രഖ്യാപിച്ചു.
സംസ്ഥാന- കേന്ദ്ര സര്ക്കാര് ഉദ്യോഗങ്ങളില് ജോലിയുള്ള അംഗം കുടുംബങ്ങളിലുണ്ടെങ്കില് അവര്ക്ക് ആനുകൂല്യം ലഭിക്കില്ല. ഓരോ കുടുംബത്തിനും വര്ഷത്തില് ആറ് എല്പിജി സിലിണ്ടറുകള് സൗജന്യമായി നല്കുമെന്നും വിജയ് പറഞ്ഞു. വിവാഹിതയാകുന്ന യുവതികള്ക്ക് 8 ഗ്രാം സ്വര്ണ്ണവും സാരിയും നല്കും. അവരുടെ ആഘോഷങ്ങളില് സഹോദരന്റെ പങ്കായിട്ടാണ് ഇത് നല്കുന്നതെന്നും വിജയ് പറഞ്ഞു.
