കൊല്‍ക്കത്തക്കെതിരെ പഞ്ചാബിന് മോശം തുടക്കം; ക്യാപ്റ്റൻ ശ്രേയസ് അയ്യര്‍ ഉൾപ്പെടെ 3 വിക്കറ്റുകൾ നഷ്ടം
ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനെതിരായ മത്സരത്തില്‍ പഞ്ചാബ് കിംഗ്സ് ആദ്യം ബാറ്റ് ചെയ്യും. ടോസ് നേടിയ പഞ്ചാബ് ക്യാപ്റ്റന്‍ ശ്രേയസ് അയ്യര്‍ ബാറ്റ് ചെയ്യാന്‍ തീരുമാനിക്കുകയായിരുന്നു. ബാറ്റിംഗ് തെരെഞ്ഞെടുത്ത പഞ്ചാബിന് തുടക്കം മോശം.
5 ഓവറിൽ ആദ്യ മുൻ നിര വിക്കറ്റുകൾ നഷ്ടമായി. ക്യാപ്റ്റൻ ശ്രെയസ് അയ്യര്‍ 0(2), പ്രിയാൻഷ് ആര്യ 22(12) , ജോഷ് ഇൻഗ്ലീസ് 2(6) എന്നിവർ പുറത്തായി. നിലവിൽ പഞ്ചാബ് 6 ഓവറിൽ 54/ 3 എന്ന നിലയിലാണ്. പി സിംഗ്30 (13), നേഹാൽ വഡെര 0 (1) എന്നിവരാണ് ക്രീസിൽ. കൊൽക്കത്തയ്ക്കായി ഹർഷിത് റാണ 3 വിക്കറ്റും വരുൺ ചക്രവർത്തി ഒരു വിക്കറ്റും നേടി.
ഒരു മാറ്റവുമായിട്ടാണ് കൊല്‍ക്കത്ത ഇറങ്ങുന്നത്. മൊയീന്‍ അലിക്ക് പകരം ആന്റിച്ച് നോര്‍ജെ ടീമിലെത്തി. സീസണിലെ നാലാം ജയം ലക്ഷ്യമിട്ടാണ് ഇരുവരും നേര്‍ക്കുനേര്‍ വരുന്നത്. ഇരു ടീമുകളുടേയും പ്ലേയിംഗ് ഇലവന്‍ അറിയാം.കൊല്‍ക്കത്ത നൈറ്റ് റൈഡേഴ്സ്: ക്വിന്റണ്‍ ഡി കോക്ക് (വിക്കറ്റ് കീപ്പര്‍), സുനില്‍ നരെയ്ന്‍, അജിന്‍ക്യ രഹാനെ (ക്യാപ്റ്റന്‍), വെങ്കടേഷ് അയ്യര്‍, റിങ്കു സിംഗ്, ആന്ദ്രെ റസല്‍, രമണ്‍ദീപ് സിംഗ്, ഹര്‍ഷിത് റാണ, വൈഭവ് അറോറ, ആന്റിച്ച് നോര്‍ജെ, വരുണ്‍ ചക്രവര്‍ത്തി.ഇംപാക്ട് സബ്സ്: മനീഷ് പാണ്ഡെ, അങ്ക്കൃഷ് രഘുവംഷി, റോവ്മാന്‍ പവല്‍, ലുവ്നിത്ത് സിസോദിയ, അനുകുല്‍ റോയ്.
പഞ്ചാബ് കിംഗ്സ്: പ്രിയാന്‍ഷ് ആര്യ, പ്രഭ്സിമ്രാന്‍ സിംഗ് (വിക്കറ്റ് കീപ്പര്‍), ശ്രേയസ് അയ്യര്‍ (ക്യാപ്റ്റന്‍), നെഹാല്‍ വധേര, ജോഷ് ഇംഗ്ലിസ്, ശശാങ്ക് സിംഗ്, ഗ്ലെന്‍ മാക്സ്വെല്‍, മാര്‍ക്കോ ജാന്‍സെന്‍, സേവ്യര്‍ ബാര്‍ട്ട്ലെറ്റ്, അര്‍ഷ്ദീപ് സിംഗ്, യുസ്വേന്ദ്ര ചാഹല്‍ഇംപാക്ട് സബ്സ്: വിജയ്കുമാര്‍ വൈശാഖ്, സൂര്യന്‍ഷ് ഷെഡ്ഗെ, യാഷ് താക്കൂര്‍, ഹര്‍പ്രീത് ബ്രാര്‍, പ്രവീണ്‍ ദുബെ.
