തീവ്ര വോട്ടർപട്ടിക പരിഷ്കാരത്തിനെതിരെ ബംഗാളിൽ മമത ബാനർജിയുടെ പ്രതിഷേധ റാലി. തീവ്ര വോട്ടർപട്ടിക പരിഷ്കരണം നടപ്പാക്കാൻ അനുവദിക്കില്ലെന്നും ബംഗാളിനെ തൊട്ടാൽ രാജ്യത്തെ പിടിച്ചുകുലുക്കുന്ന പ്രതിഷേധം ഉണ്ടാകുമെന്നും മമത ബാനർജി. അതേസമയം തൃണമൂൽ കോൺഗ്രസുമായി ഈ മാസം 28നു ചർച്ച നടത്താമെന്ന് തെരഞ്ഞെടുപ്പ് കമ്മിഷൻ അറിയിച്ചിട്ടുണ്ട്.
തീവ്ര വോട്ടർപട്ടിക പരിഷ്കരണ നടപടികൾക്ക് എതിരെ പ്രതിഷേധം കൂടുതൽ ശക്തമാകുകയാണ് മമത ബാനർജിയും തൃണമൂൽ കോൺഗ്രസും. നടപടികൾ നിർത്തിവെക്കണമെന്ന് ആവശ്യപ്പെട്ട് തെരഞ്ഞെടുപ്പ് കമ്മിഷന് കത്ത് നൽകിയതിന് പിന്നാലെയാണ് തെരുവിലിറങ്ങി പരസ്യ പ്രതിഷേധത്തിലേക്ക് നീങ്ങിയത്. ബീഹാറിൽ തെരഞ്ഞെടുപ്പ് നടന്നപ്പോൾ പ്രതിപക്ഷത്തിന് ബിജെപിയുടെ കളി മനസ്സിലായില്ലെന്നും എന്നാൽ ബംഗാളിൽ അങ്ങനെയല്ല. ബിജെപിയുടെ ഒരു കളികളും നടക്കില്ല..ബംഗാളിനെ തൊട്ടാൽ രാജ്യത്തെ പിടിച്ചു കുലുക്കുന്ന പ്രതിഷേധം ഉണ്ടാകുമെന്നും മമത മുന്നറിയിപ്പ് നൽകി.
ഇതുവരെ 35 blo മാർക്ക് ജീവൻ നഷ്ടപ്പെട്ടെന്നും എന്തിനാണ് എത്ര തിടുക്കപ്പെട്ട് sir നടപ്പാക്കുന്നതെന്നും ചോദിച്ച മമത ബാനർജി ബംഗ്ലാദേശിൽ നിന്നുള്ള നുഴഞ്ഞുകയറ്റം ആണ് മോദി സർകാർ പറയുന്ന ന്യായികരണമെങ്കിൽ ബിജെപി ഭരിക്കുന്ന സംസ്ഥാനങ്ങളിലും നുഴഞ്ഞുകയറ്റം ഉണ്ടോ എന്നും ചോദിച്ചു. അതേസമയം ഈ മാസം 28ന് തൃണമൂൽ കോൺഗ്രസ് നേതൃത്വവുമായി ചർച്ച നടത്താമെന്ന് തെരഞ്ഞെടുപ്പ് കമ്മിഷൻ അറിയിച്ചിട്ടുണ്ട്.
